أول يوم

أول 10 دقايق في السنة الجديدة و انا عندي 36 سنة بالتمام.. يا تري ايه اللي فرق و ايه اللي اتغير .. ايه اللي فات و ايه اللي سبق .. الحياة في الرحلة مش في نهايتها .. مش كده ☺☺ نتقابل كمان شويه ان شاء الله مع اول بوست و احتفالي بعودتي للكتابة.. دمتم بخير و سعادة

Powered By Pixel Dream

أربع سنوات و نصف ... بلا تغيير

الواحدة و ثلاث دقائق صباح يوم الثلاثاء الموافق 21 مايو 2013.. 

قررت أعاود الكتابة تانى فى البلوج و قعدت أفر فى البوستات القديمة و لقيت أخر بوست بتاريخ 8 أكتوبر 2008 يوم الأربعاء ...

يااااه ... حوالى أربع سنين و نصف مروا عليا من غير ما أكتب ولا بوست .. 

أربع سنين عدوا عليا .. بحلوهم و مرهم ..

أربع سنين و نصف و مازلت كما أنا ..

على الحافة ..

ما بين كل إحساس جميل مثمر بناء مليان بالأمل فى بكرة لبلدى مصر و لأهلى و زوجتى الكريمة و إبنتى الحبيبة..

و ما بين كل شعور سىء مليان إحباط و يأس و شلل فى التفكير و الحركة ... بفقدان معانى و قيم كل حاجة حواليا ..

على الحافة .. ما بين هنا و هناك ... صراع لا ينتهى .. قلق و توتر لا ينبغى ..  هفضل كده لإمتى .. مش عارف ....!!

والله و بكل إخلاص ما عدت أشعر بالسعادة قط الإ لحظات و الله للحظات لا تتعدى الدقائق فى كل شهر مع إن سبل السعادة موجودة  بفضل الله من و جه نظر أى شخص عادى ..

صدقــــاً اشعر انى لست على مايرام .. ما بى؟ لا أعلم ..!!!

الحياة مليئة بكل شىء .. الفرح و الحزن .. الابتسام و الدموع ... ما بى ...!!

لماذا أجد الدنيا متعبة هكذا .. فلا أجد ما اريد و أبحث عنه .. ولا فى صديق ولا فى قريب ...

 شعور بالوحدة يقتلنى .. و شعور بالمرارة يضنينى على ما يضيع من عمرى و انا هكذا .. 

عايش شارد الذهن .. متعلق بعوامل للنجاح ليس لى سيطرة عليها سوى بالقليل ...

زهقت من الكتابة ... 

معذرة إن أثقلت عليك قارىء مدونتى .. فانت أخترت طوعا تصفحها .. و هى بالنسبة لى متنفس ...

Powered By Pixel Dream

هرجع أكتب تانى .. متعلق لسا بأحلامى

Powered By Pixel Dream

Pixel Is Dead

-- Foolishness Moments --

Powered By Pixel Dream

ماليش نفس

ماليش نفس أتكلم وأرغى فى أى حاجة ..

Powered By Pixel Dream

يـــارب

اللهم إني أسالك بأني اشهد أنك أنت الذي لا إله إلا أنت..
الأحد الصمد الذي لم يلد ولم يولد ولم يكن له كفوا أحد.
اقض حاجتي..آنس وحدتي.. فرج كربتي...
اجعل لي رفيقاً صالحا كي نسبحك كثيرا ونذكرك كثيرا فأنت بي بصيرا.

يا مجيب المضطر إذا دعاك.. احلل عقدتي.. آمن روعتي..
يا إلهي من لي ألجأ إليه إذا لم ألجأ إلى الركن الشديد الذي إذا دعي أجاب.
هب لي من لدنك زوجا صالحا... اجعل بيننا المودة والرحمة والسكن...
فأنت على كل شيء قدير.
يا من إذا قلت للشيء كن فيكون..

اللهم أصلح لي ديني الذي هو عصمة أمري،
وأصلح لي دنياي التي فيها معاشي وأصلح لي آخرتي التي إليها معادي
واجعل الحياة زيادة لي في كل خير واجعل الموت راحة لي من كل شر.
اللهم أني أسألك من الخير كله عاجله وآجله ما علمت منه وما لم أعلم
وأعوذ بك من الشر كله ما علمت منه وما لم أعلم

ربنا آتنا في الدنيا حسنة وفي الآخرة حسنة وقنا عذاب النار،
وصلي اللهم علي سيدنا محمد وعلي آله وصحبه وسلم

Powered By Pixel Dream

Happy Birthday Pixel :D

Happy Birthday Pixel

كل سنة وأنت طيب يا بكسل

من شويه بقا عندك 29 سنة
يا ترى عملت ايه فيهم ..؟؟

ايه اللى فهمته و ايه اللى لسا مفهمتوش
أوعاك تطنش و تقول انا مسيطر ما يهمكوش

أهو عمر بيعدى
باللى عشته واللى معشتوش

أكيد فى حاجات كتير عدتنى
وحاجات كتير قوتنى
وحاجات برده كسرتنى

الخلاصة .. هيا دى تكوينتى
حب وفرح وسعادة ..
حزن و شجن وكآبة ..
هيا دى مزيكتى

Powered By Pixel Dream

رجاء

هاصبر وأكمل سكتى
فى العتمة و أمسح دمعتى

هامشى واكمل فى طريقى
يا حزن من النهاردة منتش صديقى

و مترح ما الدنيا تحطنى
هاصبر لحد ماطلع من كبوتى

طالما رجائى بك ياربى موجود
هتفضل فى قلبى أحلام القلوب

من حب و رحمة و طيف ممدود
لحد عنان السما و كل الوجود

يارب انت العالم باللى جوايا
يارب مدد من عندك للنهاية

يارب نورلى بصرى وبصيرتى
واكتبلى الخير مداد عمرى وزهوتى

لحد ما أوصل لنور يملى عليا دنيتى
وتبقى نهايتى جنتى

يــــــارب ... يارب

Powered By Pixel Dream

Go Find a Cure قطر الحياة

قطر الحياة
What are you waiting for .. insane !
go find a cure, save your self .. before it's too late

Powered By Pixel Dream

"Loneliness Knows Me By Name"

"Loneliness Knows Me By Name"

Loneliness is always looking for a friend
It found me once and it has been around since then
Loneliness is never waiting by the door
It sweeps right through and it will never be ignored
Why, why was I chosen?
Why am I left without?

The love of my life, the love that I need
The love that they say is in life for free
The love of my dreams, the love that I want
Loneliness knows me by name

Loneliness knows everything I keep inside
My endless thought in the silence of the night
Loneliness is the one who made me see
Ain't nobody else who can make a change but me
Why, why was I chosen?
Why am I left without?


Life is more and that would be the vacant space
The cried out tears and a never ending maze
I have found what only loneliness provides
A strength within knowing I will find

Powered By Pixel Dream

على أوتار العود

دعوة للــ ....
للــ .....
مش عارف .... على أوتار العود

Dedicated To My little Bro PsYcHo

نصـــير شمه
أكيد مش محتاج تعليق ..
هلال الصبا


واحد محدش عارفه
تقاسيم على مقام الصبا

Powered By Pixel Dream

إن مقدرتش تضحك

إن ما قدرتش تضحك
. ما تدمّعش ولا تبكيش
وإن ما فضلش معاك غير قلبك
إوعى تخاف !!
مش هاتموت .. هاتعيش
وإن سألوك الناس .. عن ضي جوا عيونك ما بيلمعشي
ما تخبيش ..قولهم العيب مش فيا
ده العيب م الضي !!وأنا مش عاشق ضلمة
ولا زعّلت الضي
مسير الضي لوحده .. هايلمع
ومسير الضحك لوحده هايطلع
ما بيجرحش ولا يئذيش


إسمعها بصوت وجيه عزيز

Powered By Pixel Dream

لازم تدفع

حاولت أمسك نفسى .. لكن بجد مش قادر .. دماغى خلاص تعبت ..

معلش إستحملونى .. واستحملوا هذا الاسهاب : (

لأمتى ؟
لأمتى هفضل أضحك على نفسى ..
مالهاش حل بجد خلاص ..

خلاص مش قادر اهرب من الأحاسيس السلبية اللى بحس بيها
عمال اقول لا لسا فى امل فى بكرة و لازم اجرب مرة واتنين وعشرة

اصبر و أستحمل
بكرة تلافى نفسك أحسن انجح أفضل
بكرة تلاقى كل الدنيا كويسة

ناس شريفة نضيفة عندها دين و فكر
عاوزه تكبر و تتقدم ..
ناس عاوزه تتعاون على الخير علشان الغنى يقف جنب الفقير
القوى يقف جنب المسكين اللى بيتعذب كل يوم من قسوة و جمود وجحود من لا يستحقوا ان يطلق عليهم ناس ..

لكــــن
مفيش حاجة نافعة ..

كل يوم اليأس من كل حاجة جوايا و برايا و مع الناس بيكبر و يرسخ

فى الشغل فى الشارع فى المواصلات

ياترى انا صح ياترى هاقدر انجح بالرغم من كل الاحباطات الى انا عايش فيها

إصحاب مهمشين مطحونين مرغومين مدهولين

اللى بيموت نفسه علشان يتجوز
واللى بيموت نفسه علشان يجيب عربية و يرحم نفسه من البهدلة فى المواصلات
و يرحم أهله من البهدلة فى أى مشوار ...

كل ذنبه انه مش معاه فلوس كفاية علشان يشعر انى بنى آدم

بجد خلاص يا مصر خلاص يا بلد ..
ليه اللى بيحصل ده ..
لم يعد هناك مكان للشرفاء ..

شريف و طيب و خلوق يبقى أكيد فقير ..

بيداس عليه بالجزم من كل اللى حواليه ..

بيداس عليه و تتهان كرامته .. و احنا طالعين نرقص زى العوالم فى الاحتفال بكاس الامم
وبنكسر العربيات فى شارعى الهرم وفيصل
ونغنى و نشتم ونولع علب البيروسول ..

بحد هوس هيستيريا ..
شعب مكتئب مجبط عنده هستيريا حتى فى الفرح

إستحالة يبقى ده شعب متزن نفسياً ثابت خاشع


بجد وكسة .. خلاص مش قادر استحمل

إحنا ليه كده ..
وليه ده بيحصل ..
مصر دى يا جماعة بقت بتاع الناس الكلاس بس

لازم يكون معاك عربية جامدة و ساكن فى حته جامدة

القطامية هايتس .. الرحاب هايتس .. علشان يدوبك تقدر تستمع بالحياة ..
علشان تقدر تأكل أكل نضيف و تشرب مياه نضيفة ...

مش أكل مسرطن درجة ثالثة من اللى بناكله من السوق مليان مبيدات و بلاوى

علشان تقدر تدخل عيالك مدارس جميلة نظيفة إستثمارية طبعا ً

علشان يلاقوا العلم و الرعاية و الاهتمام

يعنى لازم تدفع ..

والله يا جماعة الشباب دا غلبان قوى ..
طالع من الكلية مش عارف هايعمل ايه ..
مش عارف يشتغل ايه و ايه مستقبله وهوا عاوز ايه ..

ضغظ .. ضغظ .. ضغظ

فى البيت فى الشغل فى المواصلات فى الشارع فى القهوة فى الخروج فى الدنيا كلها ..

يعنى لازم تدفع ..

علشان تقدر تقعد فى مكان كويس تقدر تفكر فى شغلك فى حياتك فى مستقبلك ..

بجد كتير .. مش قادر خلاص ..
يعنى أمشى من البلد دى و اروح اى حته

بعد كل التعب ده فى مصر
هاسيب كل ده وامشى واسيب كل حاجة ورايا

كان نفسى أحب و استقر فى بلدى
وأحس بالامان و والراحة
نفسى انتج و انمى بلدى و احس انى ليا دور فعال فى دنيتى ...
يارب خلاص مش قادر .. يارب إصلح ليا حالى و نور بصيرتى

معتدش شايف ولا فاهم اى حاجة ..
بقيت عايش وخلاص فى الدنيا كرامتى بتداس
من شويه بنى آمدين يتقال عليهم ناس

ليه يامصر بقيتى مداس لكل واجد صايع ما عنده إحساس
بعد ما كنت برفع رأسى و اقول انا مصرى من الاساس

يا ترى حفضل احبك يا مصر علشان انتى امى
و حبيبتى و كل دنيتى

ولا هافضل شايفك متلوثة بناسك

مش عارف اعمل ايه .

والبقية تأتى ..

Powered By Pixel Dream

.. أوقــــــا ت

بكسل خلاص معدش فاهم حاجة
صحيح ممكن فى يوم من الأيام
الأقى بنت احبها بجنون زى ما الناس بتحكى قصص و وبتغنى

مش عارف .. يمكن ..
وأعد اكلم نفسى وأقول
(أنتى فين يا من أحببتك قبل ما أقابلك ..
والله كده فعلاً .. انا فعلاً عايش معاكى و بيكى و ليكى ...)

انا بهلوس أخر حاجة ..مش كده ..
اوقات بحس انى نفسى أعيش مع بنت كويسة طيبة ..
نعيش نحب بعض و نسند بعض فى الدنيا المتعبة اللى إحنا عايشنها

وأوقات بحس انى ناشف و ماليش قلب وان الموضوع ده أى كلام
وارجع وأقول أنا اللى عامل فى نفسى كده .. أه والله فعلاً
انا اللى مقسى نفسى علشان أقدر أعيش فى الحياة و مابقاش فريسة سهلة
تنكسر و تتجرح من ناس كتير مابقاش عندهم قلب ..
على رأى الحاجة إنسانة
( يا تكون قد الحياة ياتعيش وحيد بين الدروب )

وأوقات بقول يا عم أتوكس انت عاوز تحب و احدة تتعبها معاك وأنت لسا إمكانياتك على قدها
و الدنيا كلا يوم فى غلا الا حاجة واحدة بترخص و هو .. الإنسان

الإنسان الى بيحب ربنا و بيخاف منه و نفسه فى جنته
و نفسه يبقى ليه رسالة فى الدنيا يعيش علشانها ولو اتجوز
و ربنا كرمه بعيال قمامير يعلمهم الصلاة و يحفظهم قرأن و لما يموت يدعولوه بالرحمة

واوقات ... كلها بتعدى .. فرح .. حزن .. تهييس .. أى حاجة ..
على فكرة اللى تاعبنى دلوقتى انى مبطلتش عياط من أول كلمة فى البوست المنيلة لحد دلوقتى .. ليه
مش عارف ..

عدى اليوم برده النهاردة .. وانا زى ما انا ..
لوحدى برده بتونس بس بكلمات مبعثرة تحمل فى طياتها الكثير من الأمال و الاحزان و الرجاء و الاوهام و اوقات ...

اوقات من عمرى بنعدى وانا واقف قصاد نفسى
بحاول أطلع من إحساس الوحدة اللى بيقتلنى

ايوه سامع من جوايا همس بيقولى صدقنى يا بكسل حتى لو اللى انت عاوز تعيشه اتحقق
برده هاتبقا لوحدك .. لما تموت هاتبقا لوحدك .. عملك بس هوا اللى خايبقالك ..
قوم و صلى و ادعى ربنا برجاء و تاكد من انه أقرب ليك
عمرك ما هتأنس الا بغير محبته و رضاه ...
كلام حلو مش كده ..
ياترى وانت بتقرا كلامى حسيته .. فرق معاك ..

اوقات ...
لسا قلبى الجزمة بيزن عليا ..
بلا يا بكسل قوم دور على حب .. دور عليها هتلاقيها ..

أوقات ...
هوا طريق لازم امشيه .. بالطول بالعرض هأقضيه ..
لوحدى او معايا حد .. هتفرق يا ترى ...

كفاية كده انا زهقت ...
لو ليا نفس هاكمل البوست دى أو هاشيلها كلها ...

سلام مؤقت ...

مشهد جميل من فيلم Cast Away


بين توم هانكس (Chuck)
هيلين هنت (Kelly)


(Kelly) I always knew you were alive.
I knew it.
But everybody said
I had to stop saying that,
that I had to let you go.
I love you.
You're the love of my life.

(Chuck) I love you too, Kelly.
More than you'll ever know.

الموسيقى التصويرية للفيلم لو حد مهتم o_0
Right Click , Save Target As

Cast_Away_End_Credits.mp3

Powered By Pixel Dream

يــارب .. إصلح لى حالى

يــارب .. ماليش غــيرك
يــارب .. إصلح لى حالى

يــــــارب

Powered By Pixel Dream

Eternal Misery

Powered By Pixel Dream

مش عارف ..I Don't Know

مش عارف ..
مش عارف أحبك .. يمكن خايف ...
يمكن عارف أن معنى الحب بالنسبة لى زايف

....لاْ أستنى
عمرك ما كنت كده ..
قبل كده كنت شايف

أن جواك أكتر من كلام الشفايف
يا ترى كان بيتهيئلك
ولا مشاكلك خلتك ناشف

حتى قلبك معدتش عارفه
للدرجة دى بقا إحساسك تالف

زمان .. كان قلبى
زى اللعبة الجديدة جوه اللفايف

يلا قوم ماتسبش نفسك
بطل تقول مش عارف

طلع اللى جواك و أوعاك تعيش خايف

Powered By Pixel Dream

وبعدين ..

وبعدين ..
هاعمل ايه معاكى .. مش عارف أحسك ..مش عارف ألمسك ..
هاعمل ايه معاكى ..

Powered By Pixel Dream

لاشئ يستحق أن

لاشئ يستحق أن..
تلتقي بالطريق انسانا تحبه بجنون..فتتمنى ان تصافحه..وتحلم ان يفتح لك ذراعيه لتبكي بين ذراعيه. وتحدثه عن معاناتك في بعده وتترك بصمات دموعك الصادقه فوق صدره...

لا شئ يستحق أن..
تقضي ما تبقى من عمررك وحيدا ..تحصي وجوها احبتك واخرى احببتها,وتسد نوافذك عن العالم , وتغلق ابوابك بوجه القادم, وتحرق سنوات عمرك بسكين الامك , وتبكي فوق اطلال حكايه ماتت, وتجلس تحت سدره احزانك, بانتظار امنيه,انت اعلم الناس انها لن تتحقق يوما...

لاشئ يستحق أن..
تكرههم بعد الحب وتتجنب الحديث معهم, ووتجنب الطريق المؤدي االيهم...وتسخر من تضحياتك الصادقه معهم وتندم على عطائك الا محدودلهم..وتصف نفسك بالغباء والسذاجه ..واشياء اخرى لا تليق بك وتشوه جمالك بداخلك ..كي تكون انسانا اكثر تشوها وواقعيه منهم..

لاشئ يستحق أن..
تغضب حد الثوره..وان تثور حد الاشتعال..وان تشتعل حد الاحتراق..وان تحترق حد الالم..وان تتالم حد البكاء.. وان تبكي حد الانكسار..وان يتحول بياضك الى سواد..وافراحك الى حداد..وابتساماتك الى دموع..وتفاؤلك الى تشاؤم..

لاشئ يستحق أن..
تصرخ في وجه نفسك..وتوبخ قلبك على اختياره الخاطئ..وتنصهر كالشموع..وتذبل كالورود ..وتنهار كالجبال..وتغيب خلف يأسك كالشمس.. وتنزف صحتك كالماء ..وتموت بلا موت..وتبكي بلا صوت..وترفض القلوب الصادقه..وتفقد ثقتك بلاخرين...............

Powered By Pixel Dream

ادخل ....لعلك تجد قلبك هنا .. !؟

هل ستجد قلبك هنا ؟؟

قلـــ جائع ــــب

يفتقد الحب والحنان .. ويبحث عنه في كل مكان
سواء في قصص الحب الغابرة أم في أحاديث هذا الزمان ..
ولا يقنع بذرات الحب القليلة .. فهو متعطش الى حد الارتواء ..
ومندفع الى حافة الاغواء ..


قلـــــ طيب ـــــب


يمسح خطايا الآخرين بكل سهولة ..
ويرى بأن الدنيا أكبر من كلمة سيئة وقعت وقت جدال ..
أو تناهت الى مسامعه بعد محاورة أو مجالسة مع بعض الأشخاص ..
ويحاول قدر استطاعته ترك بسمة نقية على وجهه
حتى لا تلمح بقية العيون كمية الطعنات التي تلقاها بسبب
كرم أخلاقه .. وشر الآخرين..

قلــــ محترق ــــب

ملتاع على طول البعد عن الوطن والاحباب ..
لا يكاد يبني في نفسه أدوارا جديدة من الحياة حتى
تتكسر مجاديفه بفعل قسوة الواقع وتلاطم الذكريات
فيبقى في مكانه ..ذو أحلام مستقبلية كثيرة ..
ولكن ذو لذة ماضية وشوق قديم أكثر ..


قلــــ يائس ـــب


انتحرت فيه الأماني ..
وضاعت منه كل الأحلام لأنه فقد الدرب الصحيح لشاطئ الأمان ..
وابتعد كثيرا _ بسبب طيشه _ عن ملامح العمران ..
فخسر نفسه واهله وجماعته ..
ولم يبق هناك مجالا للتسامح معه أو حتى للغفران ..


قلـــــ محب ـــب


يملك في قاموسه أبجدية خاصة عجزت عن كتابتها كل الأقلام ..
وحارت في معانيها كل الأنفس والأذهان ..
به من المشاعر ما يكفي لاحياء كل النفوس الجامدة ..
وما يغرق كل المدن الميتة .. وله من المعجبين ما لا يعد ولا يحصى
لانه يمدهم _ بكل ايثار _ بعضا مما عنده ..
ويعطيهم جزءا مما احتواه ..


قلــــــ أحمق ــــب


لا يعي ما يدور حوله .. ولا يعترف بأخطائه ..
فكل همه الاستمتاع بما يدور في محيطه ..
وأخذ كل ما يستطيعه حتى ولو كان ذلك بوسائل غبية تحطم أنقى الأنفس ..
وتقتل أعظم الأشخاص ..


قلــــ مسافر ـــب

لا يقبع في مكان واحد ..
وليس له انتماء لأي شيء .. فكل ما يراه يكون تحصيل حاصل ..
ومتعة للعين فقط .. ولا تربطه بالواقع أية صلات أو روابط ..
لذلك يشعر بالغربة كلما حاول الارتماء في حضن الطبيعة ..
أو كلما حاول ذرف الدموع على بعض ما يصيبه ..
لانه ببساطة لا يملك من يقف الى جانبه ويواسيه على ما هو فيه ..


قلـــــ جارح ــــب

يلقي من الكلمات ما يخدش كل ما هو جميل ..
وله من التصرفات ما يؤلم كل من به محيط .. ولا يشعر باللذة
الا بعد أن يمارس سلطته العليا دون الانتباه الى ان ما يفعله
يجعل أحبابه حطاما لا يقدرون على التفاعل أو حتى الابتسام ..

قلــــ ميت ـــب

لا يشعر بأي شيء .. ولا يكترث لأي أمر ..
فكل ما يراه سواد في سواد .. وكل ما يحلم به ان يأكل
وينام .. دون الولوج في بقية الأحداث اليومية الجميلة التي
تشغل بال الناس .. والانكى من هذا كله انه يحاول بسط
نفوذه على كل الأنام .. ويمشي ( لتحقيق ذلك ) بأقدام حديدية
على الورود الحمراء دون ابداء الندم .. أو حتى محاولة الالتفات
لتقديم الاعتذار ..


قلــــ مؤمن بالله ـــب

قانع بقضاء الله وقدره .. صابر على البلاء ..
حامد وشاكر للنعم الكثيرة التي منحها الله له .. صامد في
وجه التحديات التي يجد نفسه فيها .. ومحاولا بكل ما يستطيع
غرس بذرة الخير في طريقه .. والمحافظة على نفسه وجوارحه ..

فأي القلـــــ ؟ ـــــــوب قلبـــــكـ ؟؟؟؟؟


Original Post By My Friend Tammam

Powered By Pixel Dream

T_T Sadness T_T

T_T Sadness T_T

Powered By Pixel Dream

- - --^[ Running Out Of Pain ]^-- - -

- - --^[ Running Out Of Pain ]^-- - -

وداعــــاً أحزانى ..

وداعــاً بلا رجعة
..

وداعــــــــاً ..

إذهبى بعيداً .. وأبحثى عن مأوى أخر ..

فلم يعد لكى وجود فى..

وداعــــــــاً ..

لقد صنعتك و قضيت معك أيامى

وحان الوقت لأتخلى عنك ...

وأدرك ما فاتنى و ما هو أمامى

وداعــــــــاً ..

فلم أجد معك سوى الظمأ والجوع

وحلمت يوماً بقلب لا تقيده الضلوع

وداعــــــــاً ..

فلن تبقى حتى ذكرى

ففى قلبى ما هو أجدى

وداعــــــــاً ..

سأسرد قصتك يوماً

لإنسان كبل هماً

حتى لا يغرق ندماً

وداعــــــــاً ..

Powered By Pixel Dream

تســـــاؤلات ..؟؟؟

من أكون ... و من هو بداخلى ...؟؟

أهو إنسان أم أنا ؟؟

أمازلت إنسان ..؟؟

ما هى ..؟؟

ما هى الأحلام .. ؟؟

ما هى الرغبة ..؟؟

ما هى القسوة ..؟؟

ما هى الفرحة ..؟؟

ما هى التعاسة ..؟؟

ما هى المشاعر ..؟؟

ما هو الوفاء ..؟؟

ما هو الإخلاص ..؟؟

ما هو العطاء ..؟؟

ما هو الحب ..؟؟

ما هى الإستمرارية ..؟؟

ما هى الراحة و الطمأنينة ..؟؟

ما هى الصداقة ..؟؟

ما هى العزيمة ..؟؟

ما هى البليلة ..؟؟

ما هى الأيام ..؟؟

من هو الإنسان ..؟؟

من أنا .. من هى .. من نكون .. من نحن .. من هم .. من تكونوا ......... ؟؟

ما هى و ما هو كل ما يستحق التسأول ؟؟

انا بهذى بدرجة كبيرة .. اشعر بذلك الاحساس منصهر فى عقلى ..

العيب فى مين ..؟؟؟

أنا ان وجدت .. أم كل هذه المعانى ..

أم نظرتى لها ..

أكيد فى إجابة ..أكيد فى رد ..أكيد فى مرادف ومعنى ..

لكل المعانى و المشاعر التى أصبحت بلا هوية ...

أم انا ..أصبحت بلا هوية ...؟؟

من الممكن .. إحتمال وارد ...

----------------

من أنا فى هذا العالم ..؟؟

لا شىء يتوقف .. ؟؟ لا شىء

لم أعد أتحمل العيش كذلك .. لابد ان أتغير ..لابد ان اتصور ..

لابد ان اتعلم .. لابد الا استسلم ..

لابد ان ادرك من أنا

-----------------

قريباً سأودع هذا العالم .. يارب أحسن خاتمتى ...

يــــــــــــــارب ...

الحمد لله على خيار الحذف ..
حتى أحذف هذا السواد لاحقاً ...أكيد ان شاء الله سأمحيها ..

Powered By Pixel Dream

...عندما تموت »-(¯`v´¯)-»

علمت أنّك حين ( ترُيد ) أن تنسى ( لن ) تنسى !
لا يعني لك ( السابق ) شيئا ً .. عندما تستطيع أن تتعاطى معه بلا حنين ! عندما تموت بك َ الرغبة في العودة ،

مالذي يكفل لك ذلك ( إعادة تأهيل ) ؟ فقط - الوقت + البديل - وكلها بيد ِ القدر ,

كُن كريما ً معه بالنسيان يكفل لك نسيانا ً مضاعفا ً و بديلا ً أفضل . هكذا سيكافئك بـ سخاء .. أيُّ نعمة ٍ أكثر ؟

تذكر انت الذى تعطى للذكريات قيمتها ، همّشها ، ( تجاهل تفاصيلها الصغيرة ) .

وامضِ بعيدا ًهل تستطيع فعل ذلك ؟ للأسف لست قويّا كفاية !حاول مرّة أخرى ..

Powered By Pixel Dream

سأقاوم حتى متى ...؟

سأقاوم حتى النهاية .. أو أنتهى وانا أقاوم ...سأقاوم كل ما يضجر ما يقتل ما ينهى ما يدمى ما يرثى ما ينهش فى ..سأقاوم ما يحبط ما يخذل ما يسلب البهجة ما يكسر النفس ما يطفىء الفرحة .. سأقاوم كل ما يجعلنى أقاوم ...ولكن أخشى من المقاومة .. هل سيتبقى لى الوقت لأحيا و أستمتع بما تبقى لى ..هل ستكفينى لحظات .. لحظات السعادة .. لحظات ان أحيا فى هدوء ....أم سيكفنى شرف مقاومتى للآلآم ....

Powered By Pixel Dream

•°o.O ピクセル夢 O.o°• P.D في الجَـنّـةِ لن نـبكِـي

مازلت أتنفس .. مازلت حى .. ولازلت أبكى .

.مازلت أقاوم .. مازلت أصبر .. ولازلت أبكى ..

مازلت أحلم .. مازلت أحب .. ولازلت أبكى .

.مازلت أتمنى .. مازلت أتشوق .. ولازلت أبكى .

.مازلت احب .. ولازلت أبكى ..

لماذا لازلت أبكى .... هل للدموع أشتاق .. ؟؟

أم ماذا .. يوماً سأكتشف .. يوماً سأفهم ..

وحينها ستكون إما نهايتى أو بدايتى ..!! حينها

Powered By Pixel Dream